Idazleak - Pello Otxoteko Vaquero - Laginak - Zurekin baltsean

EU | ES | FR | EN
Facebook Twitter Vimeo Youtube
Euskal Idazleen Elkartea

Pello Otxoteko Vaquero > Laginak

Poesia

Zurekin baltsean |

ZUREKIN  BALTSEAN

 

Baltsean aritzen nintzen zurekin

udako gau freskoetan,

eta ia ezertaz konturatzen ez zinen arren

maiteetan maiteena zinen niretzat.

Asko gozatzen nuen zurekin

baltsean aritzean.

Begiak itxirik zu, irekirik ni,

keinurik egin gabe zu, irribarretsu ni,

eta maiteetan maiteena zinen niretzat

ezer gutxi sumatzen zenuen arren.

 

Baltsean aritzen nintzen zurekin

udako gau freskoetan,

eta zure negarra asetzen nuen arte

besarkaturik igarotzen genituen minutuak

dantzan genbiltzan bitartean

alde batetik bestera.

 

Azkenean, baltsaren bukatze aldera,

erabat lokarturik ene besoetan zeuntzanean,

musu batez amaitzen nuen dantza

maiteetan maiteena zinela bermatuz.

Eta seaskan utzirik oheratzen nintzen,

gogoeten musikaz ene amets gozoetan

zurekin ere baltsean aritzeko.

2011 Euskal Idazleen Elkartea
Zemoria kalea 25 · 20013 Donostia (Gipuzkoa)
Tel.: 943 27 69 99 - Fax.: 943 27 72 88
eie@idazleak.eus

iametza interaktiboak garatuta