Idazleak - Pello Otxoteko Vaquero - Laginak - Musurik gabeko laztana

EU | ES | FR | EN
Facebook Twitter Vimeo Youtube
Euskal Idazleen Elkartea

Pello Otxoteko Vaquero > Laginak

Poesia

Musurik gabeko laztana |

MUSURIK  GABEKO  LAZTANA

 

 

Gogorra da zure laztana

musurik ematen ez didazunean

zure irribarreak bihotza zarrastatzen dit

hitz goxoez lagundurik ez dagidazunean

zure begiradak barrenak kiskaltzen dizkit

begien kliskaz tartekaturik ez datorrenean

ankerra da zure presentzia

bakerik ez dakarkizunean

eraztun mugaezinek

nire amodioa kateatzen dute

esanahi zentzugabeetan

baina ez nauzu horrela aurkituko

ez duzu lortuko belusezko azalaren erantzunik

ez duzu sentituko odol gorriko maitasunik

ez zaitu liluratuko lurrun argiko islak

euri beltza dario euri beltza barrenari

iparraldeko haizeak bultzaturik

begirada sakon garbirik ez duzu eskainiko

ez du merezi zarama arakatzea

ohitura zamatsua da

Atlas menderatzeko adinakoa

eta ixilpean geratzen da dena

ezaxolaren oinazea, izan ere

gogorra da zure laztana

musurik ematen ez didazunean...

2011 Euskal Idazleen Elkartea
Zemoria kalea 25 · 20013 Donostia (Gipuzkoa)
Tel.: 943 27 69 99 - Fax.: 943 27 72 88
eie@idazleak.eus

iametza interaktiboak garatuta