Idazleak - Pello Otxoteko Vaquero - Laginak - Hipotesiak

EU | ES | FR | EN
Facebook Twitter Vimeo Youtube
Euskal Idazleen Elkartea

Pello Otxoteko Vaquero > Laginak

Poesia

Hipotesiak |

HIPOTESIAK

 

Jakin izan banu

behar nuen guztia banekiela,

ez nituzkeen liburuetan

ordu geldi geldoak galduko.

 

Jakin izan banu

maitasuna ez dela bilatzen,

ez nituzkeen gaztaroan

gau zoroak metatuko

loari denbora lapurtuz.

 

Jakin izan banu

irribarre xaloek ez dituztela

gorrotozko begiradak sendatzen,

ez nituzkeen hitzordu luzeak xahutuko

adiskidetasun ahalegin antzuetan.

 

Jakin izan banu

bizitzaren esanahia

aurrera begira iragana oroituz

ibili gabiltzala gozatzean datzala,

ez niekeen nolanahiko profetei

sermoirik xumeena ere sinetsiko.


 

 

Jakin izan banu

zoriontasunaren sekretua

isiltasunaren dastamen xaloan dagoela,

ez nituzkeen oroiminaren korromioan

gogoetak ahituko.

 

Jakin izan banu

heriotzaren etorreran

unearen istant magikoek

gerora zirautela,

lorez jantziko nituzkeen

zinez jasotako

keinu eta kliska guztiak.

 

Eta jakin izan banu

zuregana daramaten bide guztiek

basamortu hotzenak zeharkaturik

eta sufrikariozko oihan beltzenen oihuz osaturik

berriz ere itxaroten didatela,

orduan dudarik gabe

bete-betean errepikatuko nituzkeen

2011 Euskal Idazleen Elkartea
Zemoria kalea 25 · 20013 Donostia (Gipuzkoa)
Tel.: 943 27 69 99 - Fax.: 943 27 72 88
eie@idazleak.eus

iametza interaktiboak garatuta