Idazleak - Pello Otxoteko Vaquero - Laginak - Aski da

EU | ES | FR | EN
Facebook Twitter Vimeo Youtube
Euskal Idazleen Elkartea

Pello Otxoteko Vaquero > Laginak

Poesia

Aski da |

ASKI  DA

 

Aski dut sinestetik.

Aski arnasa hutsagatik

eskerka ibili beharragatik.

Kitto damuaren zama astuna

sorbalden gainean eraman izanagatik

eta martiriaren rictus samina edukitzeagatik.

Ederki damutu gara mendeetan zehar.

Dagoeneko,

egunsentia ikus dezakegu goizaldean.

 

 

Aski dut maitemintzetik.

Aski dut erromantzeei

balizko lirikotasun ustela egotzi beharragatik.

Errealitatea ez da

beira finezko edalontzietan edaten,

are gutxiago

lurrunezko lausenguekin eraikitzen.

Nahikoa sufritu dugu korromioa

erabakiak erresuminezko hisiaz hartzeko.

Zirkunferentziaren perimetroa,

perfektua eta itxia, 2 π r,

berau hausten den arte.

Geurea ere halakoa zen

bion lurraldeak eztanda egin bitarte.

 

 

Zer da musu bat

berotasunaren lekualdaketa termodinamikoa baino?


 

 

Etsipena ustezko sentimendua da.

Bizitzaren hurrengo ekitaldira

bultzatuko gaituen malguki indartsua.

Leuntasunik gabekoa,

gogor tratatzen gaitu

gabeziaren gatibu izan ez gaitezen.

Hortaz,

maita zeure burua

gauza denen gainetik

hobeto lehenago berandu baino.

 

 

Ez dezagun alferrik

indarrik gal.

Ez gaitezen ahalegin antzuetan

entzungorkeria elkorrean amil.

Ordubeteko tartea

denbora luzea da.

Eta gogoratu,

maite zaitut  ez da betiko,

E = m c2  bai, mon amour.

2011 Euskal Idazleen Elkartea
Zemoria kalea 25 · 20013 Donostia (Gipuzkoa)
Tel.: 943 27 69 99 - Fax.: 943 27 72 88
eie@idazleak.eus

iametza interaktiboak garatuta