Idazleak - Patxi Iturregi Escondrillas - Biografia

EU | ES | FR | EN
Facebook Twitter Vimeo Youtube
Euskal Idazleen Elkartea

Patxi Iturregi Escondrillas

Laudio, 1952.

Itsas Nabigazio ikasketak egin zituen Portugaleteko Nautika Eskolan. Garai batean pilotu ibili zen petrolio-ontzi handietan eta gero, 1983tik aurrera, Laudioko Udal Euskaltegian lan egin du. Gaur egun, bertako zuzendaria da.

Narrazioa da bere sormenaren ardatza, eta horren barruan ipuingintza du alorrik gogokoena. Hainbat sari irabazi ditu: Donostia Hiria ipuin lehiaketa eta Tene Mujika Debako ipuin saria, besteak beste.

1997. urtean Haize kontra ipuin bilduma argitaratu zuen (itsasoaren presentzia nabarmentzen da, protagonista nagusia bilakatuta) eta 2003an Behi eroak izeneko kontakizun sorta. Gotzon Hermosillak azken liburu honen gaineko iruzkina idatzi zuen Berrian.

Itzulpengintzan ere aritua da: 2000. urtean Hiru argitaletxearen eskutik bere lehengo liburuaren gaztelerazko bertsioa, Con el viento en contra, paratu zuen.

 

BIBLIOGRAFIA

1997 Haize kontra | Elkar
2003 Behi eroak | Elkar
2006 Dioramak | Elkar

GEHIAGO IKUSI

2011 Euskal Idazleen Elkartea
Zemoria kalea 25 · 20013 Donostia (Gipuzkoa)
Tel.: 943 27 69 99 - Fax.: 943 27 72 88
eie@idazleak.eus

iametza interaktiboak garatuta