Idazleak - Miren Agur Meabe Plaza - Biografia

EU | ES | FR | EN
Facebook Twitter Vimeo Youtube
Euskal Idazleen Elkartea

Miren Agur Meabe Plaza

Miren Agur Meabe (Lekeitio, 1962). Magisteritza eta Euskal Filologia ikasi, eta irakaskuntzan (Bilboko Kirikiño ikastolan) eta testuliburugintzan (Giltza argitaletxean) aritu zen hainbat urtetan.

Helduentzat nahiz haur eta gazteentzat idazten du, bai prosa, bai poesia.

Kritikaren saria jaso zuen 2001ean eta 2011n Azalaren kodea eta Bitsa eskuetan poema-liburuengatik; eta Euskadi saria hiru aldiz Itsaslabarreko etxea (2002), Urtebete itsasargian (2006)eta Errepidea (2011)gazte-nobelei esker.

Halaber, Mila magnolia-lore albuma 2012ko IBBYren Ohorezko Zerrendan ageri da.

Bere azken lanak, Kristalezko begi bat nobelak, 2013ko Beterriko Liburua saria jaso du, baita Zazpi Kale saria ere.

Han-hemengo topaketetan parte hartu du, hala nola Eako Poesia Egunetan, Dublin Festival Writers-en 2003an, Vjlenicako XXI. Literatura Jaialdian (Eslovenia, 2006), Edimburgeko Liburu Jaian (2007), Vienako Cervantes Institutuan (2008), Santa Barbara eta Renoko Basques Studies Centres-en (2008), Frankfurteko Liburu Azokan (2009), Deux Pennents Jardunaldietan (Pabe, 2012), Cosmopoétican (Kordoba, 2014), Tocats de Lletra (Manresa, 2015), Mediterrànea (Mallorca, 2016), Reading Month Festival (Eslovakia-Txekia-Ukraina-Polonia, 2016), Voix Vives (Toledo, 2017) eta abar.

Ohorezko aitortzen artean, Lauaxeta saria (2007), Rosalia de Castro (2012) eta Deia-Hemendik (2015) aipatu behar.

Bere testuetako batzuk hainbat hizkuntzatara eta braillera itzuli dituzte.

Euskaltzain urgazlea da 2006tik.

 

SARIAK

1991 Lasarte-Oriako udala, Oi, hondarrezko emakaitz! poesia-lanari

1997 Imajina ezazu Euskadi, Ohar orokorrak poesia-lanari

2001 Kritika saria, Azalaren kodea poema-liburuari

2002 Euskadi Saria, Itsaslabarreko etxea gazte nobelari

2007 Euskadi Saria, Urtebete itsasargian gazte nobelari

2007 Lauaxeta Saria (ibilbideari, ohorezkoa)

2008 Liburu Gaztea (DBHko ikasleek emana, Urtebete itsasargian lanari)

2011 Euskadi Saria, Errepideagazte nobelari

2012 Rosalia de Castro Saria (Galiziako Pen Clubek emana, ibilbideari)

2014 Beterriko Liburua saria, Kristalezko begi bat nobelari

2014 Zazpikale saria, Kristalezko begi bat nobelari

BIBLIOGRAFIA

2001 Itsaslabarreko etxea | Aizkorri
2001 Bisita | Gara
2002 Joanes eta Bioletaren bihotza | Elkar
2003 Nola zuzendu andereño gaizto bat | Giltza
2003 Zaldiko-maldikoan (Beste egile batzuekin) | Aizkorri

GEHIAGO IKUSI

LAGINAK

2000 Azalaren kodea | Susa

GEHIAGO IKUSI

2011 Euskal Idazleen Elkartea
Zemoria kalea 25 · 20013 Donostia (Gipuzkoa)
Tel.: 943 27 69 99 - Fax.: 943 27 72 88
eie@idazleak.eus

iametza interaktiboak garatuta