Martin Etxeberria Garro
Zarautz, 1974.
Enpresaritza ikasketak egin zituen Donostian. Amerikarren eskolakotzat jotzen du bere burua, lanbidez. Enpresa berrien sorkuntzarako beka batekin Arrasateko Saiolan erakundean jardun zuen lanean, Eroskiren Artea hiperrean bertako jakien saileko arduradun, COPE irrati kateko komertzial, Donostiako publizitate enpresa batean produktu-buru, eta azkenik, Zarauzko Salbatore Mitxelena Ikastolako idazkaritzan. Ikastolan eta Jorge Oteiza Lizeoan ari da administrazio eta zuzendaritzan.
Kolaborazio ugari egin izan ditu: Euskaldunon Egunkariako Barkatu ama gehigarrian, Euskadi Irratiko Goizean behin saioan -anaiarekin batera-, eta Euskalerria Irratian Metropoli urbanoa saioan. ETBko Goenkale telesaileko elkarrizketak idazten ere jardun du anaiarekin batera.
Zarauzko bertso eskolako partaide eta Txaparro herri aldizkariaren sortzaile.
T.S. Ellioten The Waste Land, Baudelaire-n prosazko poemak, Pessoaren Livro do desasossego, Atxagaren Etiopia, Aristiren Castletown... obrak goraipatzen ditu.