Idazleak - Juan Ramon Madariaga Abaitua - Laginak - Gauza gutxi

EU | ES | FR | EN
Facebook Twitter Vimeo Youtube
Euskal Idazleen Elkartea

Juan Ramon Madariaga Abaitua > Laginak

Poesia

Gauza gutxi |

GAUZA GUTXI

 

Kaioletako zeruak

itsasoetako botilen bilduma

luma erorien erreskateak

urre meategiko iluna

eskuetako defektu maitagarriak

museotako koloreak begietan

erromesen bideak zure hatsetan

izarren eztandak

bizitza bere delirioan

 

Mundua eraldatzeko

gauza gutxi behar da

 

Udazkeneko hosto batek

lurreraino deskribatzen dituen

eklosio geometrikoak

argiaren multiplikazioa

isiltasunaren dentsitatea

errealitate perfektu baten hipotesia

edertasunaren transmisiorako proposamena

bizitzaren iman absurdoa

bizitza bere delirioan

2011 Euskal Idazleen Elkartea
Zemoria kalea 25 · 20013 Donostia (Gipuzkoa)
Tel.: 943 27 69 99 - Fax.: 943 27 72 88
eie@idazleak.eus

iametza interaktiboak garatuta