Idazleak - Joxerra Garzia Garmendia - Biografia

EU | ES | FR | EN
Facebook Twitter Vimeo Youtube
Euskal Idazleen Elkartea

Joxerra Garzia Garmendia

Legazpi, 1953

Filosofia eta Kazetaritza ikasketak Bartzelonan egin ondoren, Alemanian izan zen ikasketa zikloa amaitzeko. 70. hamarkadan Arrasate eta Tolosako ikastoletan aritu zen lanean.

Ikastolen mundua utzi ondoren, komunikazioaren esparruan murgildu zen: Euskadi Irratian, Sorgin Afaria programa aurkeztu eta zuzendu zuen. Honetaz gain, ETBko Lumaz edo bertsolaritzaren gaineko Hitzetik Hortzera programak sortu, aurkeztu zuzendu zituen. 1994. urtean EHUko irakasle gisa hasi zen, Leioako Informazio Zientzien Fakultatean. Ikus-entzunezko komunikazioak eta publizitatean doktore da 1999az geroztik, Gaur egungo bertsolarien baliabide poetiko-erretorikoak izeneko tesiari esker.

Haur eta gazte literaturaren esparruan, Malen laberinto madarikatuan argitaratu zuen 1986 urtean eta Bapore saria irabazi. Geroago, Gau bat gauekoen artean edo Tunelaz bestaldean kaleratu zituen. Poesian, bi liburu eman ditu argitara: Dena dela eta Zotal egunak; azken honekin Kritikaren saria irabazi zuen 1992. urtean. Bigarren liburu honetan, filosofiarekin lotura estua duenak, aforismoak idatzi zituen.

Bertso-epaile lanetan eta kritikari moduan ere aritua, bertsolaritzari buruzko hainbat azterketa argitaratu ditu, aldizkarietan (Bertsolari, Jakin... ) nahiz liburu gisa. Euskal Idazleen Elkarteko Lehendakari izan zen 1993tik 1997ra bitartean.

2009ko Antton Abbadia saria jaso berri du Gipuzkoako Foru Aldundiaren eskutik, euskararen normalizazioaren, eta batez ere, erabileraren alde egin duen lanagatik.

BIBLIOGRAFIA

1986 Malen laberinto madarikatuan | SM
1988 Gau bat gauekoen artean | Erein
1988 Dena dela (bezperaren kronika) | Baroja
1991 Zotal egunak | Kutxa
1998 Jon Sarasua. Bertso ispiluan barrena | Alberdania

GEHIAGO IKUSI

HEMEROTEKA

1989-02-25 Dena dela | Argia
1998-12-05 Sustraiak eta adarrak | Euskaldunon egunkaria
1999-10-09 Alice-ren antzera | Diario Vasco
2000-10-21 Gezimina | Diario Vasco
2001-03-31 Hazia ereiten duen gezia | Gara

GEHIAGO IKUSI

2011 Euskal Idazleen Elkartea
Zemoria kalea 25 · 20013 Donostia (Gipuzkoa)
Tel.: 943 27 69 99 - Fax.: 943 27 72 88
eie@idazleak.eus

iametza interaktiboak garatuta