Idazleak - Jose Ramon Etxebarria Bilbao - Biografia

EU | ES | FR | EN
Facebook Twitter Vimeo Youtube
Euskal Idazleen Elkartea

Jose Ramon Etxebarria Bilbao

Gernika, 1948.

Industria-Ingenieritzan Doktorea. Fisika-irakaslea. Beti ere fisikari gisa egin du lan, Euskal Herriko Unibertsitatean eta Udako Euskal Unibertsitatean. Landutako genero literarioak: bereziki, testugintza teknikoa eta dibulgazioa zientifikoa.

Euskara ikasteko metodoak (Euskalduntzen eta Alfabetatzen metodoak) prestatu ditu. Ikastoletarako testugintzan, OHO, DBH eta Batxilergoko testuak argitaratu ditu, Saioka (Natur arloa) eta Giltza-Edebé (Natur Arloa, Fisika eta Kimika) taldeetan. UZEI eta Elhuyar taldeekiko lankidetzan Fisika Hiztegia (1979) prestatu zuen eta berriki Energia Hiztegia (2000).

Udako Euskal Unibertsitatean parte hartu izan du sorreratik bertatik, Fisika Sailean. Kanpoko aldizkari zientifikoetan argitaraturiko artikuluez gain, Anaitasuna, Elhuyar eta Ekaia aldizkarietan zientzi gaiei buruzko artikulu asko argitaratu ditu euskaraz.

Kazetaritzaren arloan iritzi-artikuluak idatzi ditu Anaitasuna aldizkarian eta Egin, Gara eta Euskaldunon Egunkaria egunkarietan. Zutabeen egilea ere izan da Euskaldunon Egunkarian.

Doktorego-Tesia: Ekuazio jaraunskorrak: 1. Erradiazio elektromagnetikoa. 2. Osin-muga fraktalak. Ecuaciones hereditarias: 1. Radiación electromagnética. 2 Fronteras fractales entre pozos de atracción. Bilbo (1986). Jasotako sari berezia: 1986. urtero R.M. Azkue Saria, Ikerkuntza-sailean, doktorego-tesian egindako lanagatik.
 

BIBLIOGRAFIA

1972 Haizeak, euria eta klima | Ikastolako Liburutegia. Zientzia Saila. Gordailu
1973 Uraren Indarra | Ikastolako Liburutegia. Zientzia Saila. Gordailu
1974 Saioka 1. Metodologia | (Saioka taldean)
1974 Saioka 1. Projektuak eta gaiak | (Saioka taldean)
1974 Saioka 1. Osagarriak eta Ariketak | (Saioka taldean)

GEHIAGO IKUSI

2011 Euskal Idazleen Elkartea
Zemoria kalea 25 · 20013 Donostia (Gipuzkoa)
Tel.: 943 27 69 99 - Fax.: 943 27 72 88
eie@idazleak.eus

iametza interaktiboak garatuta