Idazleak - Jose Luis Padrón Plazaola - Biografia

EU | ES | FR | EN
Facebook Twitter Vimeo Youtube
Euskal Idazleen Elkartea

Jose Luis Padrón Plazaola

Legazpi, 1970.

Urola bailarako Urretxun hazi zen eta 90. hamarkadaren bukaeratik hona Zarautzen bizi da. Gazteleraz nahiz euskaraz hala galegoz aritzen da olerki idazlanean eta baditu hainbat sariekin batera argitaratutako olerki sortak (ikus Bibliografia atalean). Ilargirik gabeko kalea liburuak Urruzuno saria eskaini zion 1987an. Honez gain, Itzal izotzezkoan bildurik lanari esker Imajina Ezazu Euskadi saria eskuratu zuen 1996an.

Bestalde, Urrutxeko Liburutegiaren 30. urteurrenaren kariaz, Hitz-erraietan poema sorta argitaratu zuen eta urte berean poesia antologia laburra argitaratu zuen: Bihotzak planto.

Eusko ikaskuntzan espezialista diplomatua da. Euskal Herriko Unibertsitateak babestu duen Gaur egungo euskal poesia bilduman itzultzaile eta editorekidea izan da. Donostiako Koldo Mitxelena Kulturuneko poesia jardunaldietan arduradun lanetan dihardu, bere koordinaziopean antolatu dira Jorge Oteiza, nekatuta eta birakari (1999), Euskalduna eta gaztea: poesia eta etorkizuna (2000), Bitoriano Gandiaga, lurrago lurrean eta Pablo Antoñana, baldintzarik gabeko askatasuna (2001), eta Juan Mari Lekuona, Kezkaren antropologoa (2002). Literatur kritiko eta itzultzaile lanetan dihardu. Komunikabide ezberdinetan aritzen da euskal literatur aztertzaile eta kultur berri emaile gisara. Itzultzaile bezala, ugari dira euskaratu eta gazteleratu dituen egileak. Komiki gidoilari gisa, sari ugari eskuratu ditu (ikus Sariak atalean).

Bilbao egunkariak (1994), Malagako Litoral aldizkariak (1995), Gipuzkoako Foru Aldundiaren Euskalduna eta gaztea: Poesia eta Etorkizuna (2000) eta A ponte das palabras/Hitzezko zubia (Letras de Cal, 2001) liburuek, bere olerki aukeratuak kaleratu dituzte.

Bakarne Jorge akordeolariaren Avant de voir son visage antzerki lanaren moldaketa egin du euskaraz eta gazteleraz. Jabier Muguruza abeslariak Padrónen poema bi gehitu ditu bere diskografiara.

Euskadi Irratiko poesiari buruzko Lizardiren baratza irratsaioaren aurkezlea da egun.

BIBLIOGRAFIA

1987 Ilargirik gabeko kalea | Eusko Jaurlaritza
1991 Antioju borobilduen kristaletatik zehar | Pasaiako Udala
1993 Egunez egun jendetzaren kiratsa | Lasarte-Oriako Udala
1993 Profundos senderos de niebla y carne | Bermingham Edit
1993 De la manera de vivir más humilde y callada; Profundos senderos de niebla y carne | Bermingham Edit

GEHIAGO IKUSI

2011 Euskal Idazleen Elkartea
Zemoria kalea 25 · 20013 Donostia (Gipuzkoa)
Tel.: 943 27 69 99 - Fax.: 943 27 72 88
eie@idazleak.eus

iametza interaktiboak garatuta