Jose Luis Lizundia Askondo
Iruñea, 1938.
1963an, gerra osteko lehenengo euskarazko klaseak ematen hasi zen, Durangoko uriko eskoletan.
Alfabetatze kanpainen sortzaile Bizkaian, Rikardo Arregi berak hilabete batzuk lehenago sortu zirenean eskatuta.
1980. urte arte Alfabetatze Euskalduntze Batzordeen Bizkaiko ordezkari, Euskaltzaindiko Jagon Sailean. Jakin behar da, garai hartan, Euskaltzaindiko Jagon Sailaren batzordetariko bat zirela, Alfabetatze Euskalduntze klaseak.
1966an, euskaltzain urgazle izendatua. 1969ko otsailetik, idazkariorde eta 1972tik geroztik, kudeatzaile lanetan.
Zeruko Argia, Anaitasuna -zeinetan erredakzio batzordeko izan baitzen zenbait urtetan- Euskera, Punto y Hora de Euskal Herria, Egin, Deia, Euskaldunon Egunkaria, El Correo, Diario Vasco, El País, Boletín de la Real Sociedad Bascongada de Amigos del País, Txistulari, Dantzari, Herria, Gerediaga, Eraz, Anboto eta beste zenbait egunkari eta aldizkaritan. Artikulugintza izan da bere lanik ugariena.
Idazle lanak, gehien bat euskarari buruzkoak, bereziki, toponimia, geografia, historia, folklorea, politika eta gai desberdinetako saioak izan dira.
Euskal Autonomia Erkidegoan indarrean dagoen Euskararen Normalizazioko Oinarrizko Legea, 1982.eko azaroaren 10ean, Eusko Legebiltzarrak onartuan, Parlamentuko Hezkuntza eta Kultura batzordeburuorde bezala, Legearen legegile-ponente izan zen.