Idazleak - Itxaro Borda - Biografia

EU | ES | FR | EN
Facebook Twitter Vimeo Youtube
Euskal Idazleen Elkartea

Itxaro Borda

Baiona, 1959.

Baionan jaio eta Oragarren hazi zen. Gaur egun, Baiona Ttipiko Cordeliers karrikan bizi da. Ikasketak Donapaleuko laborantza eskolan hasi zituen eta Paueko unibertsitatean burutu, Historia DEA batekin. Parisen, Maulen eta Baionan jardun du postari.

Seaskaren aldeko lanetan ibilitakoa, Iparraldeko ikastolen alde. Asteartero bere iritzi artikuluak irakur zitezkeen Euskaldunon Egunkariako Seiko Urrean.
Bere lehen olerkia 1974an agertu zen Herria astekariaren orrialdeetan. Geroztik gutxi edo aski Euskal Herriko aldizkari, astekari eta egunkari ezberdinetan kolaboratu du. Maiatz aldizkariaren sorreran eta gaurko abenturan ere parte hartutakoa da.

Lehen liburua 1984an argitaratu zuen: Bizitza nola badoa. Poesia liburu honetan, Trixte naiz nere bertsuekin / nahiago nuke sekula gehiago / beste bat ez egin» esaten zuen. Ez zuen bete bertso honetako desioa.
2002an Euskadi Saria jaso zuen, %100 basque eleberriaren eskutik.

Europako hizkuntza ezberdinetara itzuliak ditu hainbat olerki. Taldean idatzitako liburu batzuetan ere parte hartu du.

Diska askotako abestien testuak berak idatzitakoak dira (ikus Bibliografia atala).

 

BIBLIOGRAFIA

Malgu da gaua | Etxepare Institutua
1984 Emakumeak idazle | Txertoa
1984 Bizitza nola badoan | Maiatz
1985 Basilika | Susa
1986 Krokodil bat daukat bihotzaren ordez | Susa

GEHIAGO IKUSI

2011 Euskal Idazleen Elkartea
Zemoria kalea 25 · 20013 Donostia (Gipuzkoa)
Tel.: 943 27 69 99 - Fax.: 943 27 72 88
eie@idazleak.eus

iametza interaktiboak garatuta