Iñaki Azkune Mendia
Zestoa, 1945.
Industri-Peritutza ikasi zuen eta Hernaniko enpresa baten jardun hiru urtez, ikasketak amaitu eta gero. Ondoren, eta Andoainen enpresa beretzat lan egin ostean, irakasle izan zen Donostiako Santo Tomas Lizeoan. 80. hamarkadatik geroztik Elhuyarren dihardu.
Euskal Herriko zezenketaren gaineko ikerketa idatzi du, Zezenak Euskal Herrian (UEU, 1989) izenburupean. Bere idazle ibilbidearen hastapenetan narrazio historikoak idatzi zituen, hala nola, Eneko Aritza (Gero, 1975), Amaia (Gero, 1975) eta Katalin Erauso (Gero, 1976) .
Maquiaveloren Printzea (Elkar, 1986) euskaratu du; zientzia eta pentsamendu itzulpengintzaren eremuan, era berean, François Jacob-en Posiblearen jokoa (Elhuyar-Elkar, 1990); Max eta Eledwig Born-en Zientzia eta kontzientzia aro atomikoan, (Elhuyar-Elkar, 1990) itzuli ditu. Honez gain, Darwin-en gaineko ikerketaren egilea da , Charles Darwin. Eboluzioaren profeta (Gaiak). Testu liburuen idazketan ere parte hartu du, halaber.